દુબઈ એર શોમાં ભારતીય તેજસ જેટનો ભયાવહ અકસ્માત,

દુબઈ એરશોમાં ભારતીય વાયુસેનાનું તેજસ ફાઇટર વિમાન પતન પામ્યું હોવાનું જાણવા મળ્યું છે. અલ મક્તૂમ એરપોર્ટ ખાતે ચાલી રહેલા એર શો દરમિયાન ડેમો ફ્લાઈટ દરમિયાન આ દુર્ઘટના બની. સમાચાર એજન્સી એપીના જણાવ્યા મુજબ શુક્રવારે ભારતીય સમય પ્રમાણે સાંજે લગભગ 3:40 વાગ્યે આ ઘટના નોંધાઈ.

આ અકસ્માતમાં તેજસના પાઇલટનું મૃત્યુ થયું હોવાનું ભારતીય વાયુસેનાએ સત્તાવાર ખાતરી આપી છે. વિમાન જમીન સાથે અથડાતા જ આગ પ્રગટ થઈ હતી અને એરપોર્ટના વિસ્તારમાં ઘેરા કાળા ધુમાડાના વાદળો જોવા મળ્યા હતા.

આ ઘટનાની ગંભીરતા ધ્યાનમાં લઈ વાયુસેનાએ દુર્ઘટનાના સચોટ કારણો જાણવા માટે કોર્ટ ઓફ ઇન્ક્વાયરીની સ્થાપના કરવાની જાહેરાત કરી છે.

તેજસ ફાઇટર જેટના અકસ્માતની આ બીજી ઘટના ગણાય છે. આ પહેલાં 2024માં રાજસ્થાનના પોખરણ વિસ્તારમાં યોજાયેલા યુદ્ધાભ્યાસ દરમિયાન એન્જિન નિષ્ફળતા કારણે એક વિમાન પડ્યું હતું.